( يابو فهد والله مت مثله بلد )

السلام عليكم ورحمة الله


يا الله يا مرسي على اليم السفن = يا فالق الاصباح من عقب الظلام

انك تجنبنا الزلازل والمحن = اللي على ديار العرب مثل الغمام

تصبح ولا تمسي تخاطفها الفتن = في شرقها والغرب مع يمنن وشام

وانصر جنود تحتمي حد الوطن = من شاهق الدخان لي ريغان يام

جند تدثر بالذخاير والكفن = بياعة للروح في يوم الزحام

ساقوا النفوس الغاليات بلا ثمن = يوم انتخى سلمان قالوا له تمام

شدوا على ( المشوي ) وعباد الوثن = عواصفن حطت مخابيهم رمام

واركوا على صعدة ومن فيها قطن = بلاك هوك في ثناياها سقام

واعلن حداده من الحديدة لي عدن = ما عاد لها فيها مزار ولا مقام

باقي على صنعاء وتبع ذي يزن = ساعات من عمر الحوافش واللئام

واعود واثني التحية للامن = اللي حموا الاوطان في حرب وسلام

خدام للحجاج ماتبغى ثمن = الا من المعبود خلاق الانام

امنن دحر داعش وزودهم غبن = مفجرين اللي مصلينن قيام

وانا فدى اللي قالها همدن وغن = حرس وطنا في الوغى ياتي قوام

يابو فهد والله ما مثله وطن = وانت الذي والله ما مثلك امام

وانا باصب الهاجسي هيلن وبن = دامه على كيفي وقلدني وسام